tayri

ɛla rbbi a yaḥbib amzat lxatr
amma ṭummuɛ ad k inn ur izaḥm 
ad ak fiɣ d laman ar ɣwiḥ udad
ar ɣwiḥ udad nkrf t imalass 
assiɣ d ajnwi grɣ asn ur ifrisn
assiɣ d aburi bu tillwaḥ riḥ ad-t utɣ
yall gignɣ igllin yat ṭṭit ns 
nduhda ɣakud-ann ur liɣ lɛaql
irur udad ijarifn ad mu yiwn
ar nstara ɣ ijarifn ur nxalḍ
aẓumɣ aylliɣ iyi tffl tafoukt
hak yan lmtrd ifulkin iqimn
yili udi n ljdid ilin tifiyi ns
nssird afuss ad gis ncc tirimt inu
iwajb iyyi lmtrd lli inna yaɣ
wa ɛla rrbi a ḍḍif amẓ afus nk
rmḍan a yad tiwutcci ur lkmn t
nwajb i lmtrd lli inu niɣ as
ini ɛssiḥ ntub inna ciɣ nɣrm t
lmitl n uḥbib ka f ak ɣid nsawl
amma udad ullah amk iyyi t ɣwin ifasn
 
Transcrit par Elabidiyon