amḥḍar

lqist n yan umḥḍar ur tgi lkdub
immut baba-s mqqar d immi-s iga lghrib
idda s timzgida ns nttat a gh-nn izug
ar yaqqra aylligh iṣḥa iḥsa akkw lkutub
...
laxbar n baba-s d immi-s lkmn-tn-id
baba-s d immi-s llan-inn gh ugns akkw n lɛdab
ikka ar yan wass irakb-nn ar imi n lɛdab
yufa-nn xazinu-nnar gawrn gh imi n lɛdab
 
amḥḍar mskin a isawln inna yasn-d
salamu ɛlaykum a xazinu-nnar
xazinu-nnar a isawln inna yasn-d
ɛliku salam inna yas a xuya amḥḍar-ad
mad-k-id yiwin inna yas a yamḥḍar s ghid
ur agh yumr bab inu s yan ighran ad-tn nḥrg
kiyyin tgit lɛalim n ṣaḥt tssift akkw lkutub
sat tusutin gh lajdud nk a yamḥḍar
sat tusutin ur rad ḥrgnt a yamḥḍar
 
amḥḍar mskin a isawln inna yasn-d
laxbar n lwaldin ad agh-d igan aḍar s ghid
baba d immi llan-inn gh ugns akkw n lɛdab
xazinu-nnar a isawln inna yasn-d
ara fk iyyi ṣṣifat nsn a xuya nawi tn-id
 
amḥḍar mskin a isawln inna yasn-d
baba iga awṣTani ilan lamr gh luwjh
immi tga tawṣTanit igan mrbaɛ lgdd
iftu xazin ifk-t i tillas n uḍggig
iftu xazin ifk i lbḥur n lɛdab
ar tn isiggil aylligh tn yufa yiwi-tn-id
izd a yamḥḍar aitdarun a yad
 
amḥḍar mskin a ismummin inna yasn-d
amḥḍar mskin ismuqql yawi-d ankkid
uhuy a xazin urd aitdar ngh a yad
babas d immis msakn nnan-asn-d
uhuy a yiwi hati nkkni nit a yad
mamnk ra gh tissant a yiwi aylligh akkw nḥrg
addumgh akkw i takat zund ṣṣmgh n lktub
nghigh gim a ddunit bla ccrɛ ur nzug
ukrgh gim a ddunit bla ccrɛ ur ntub
lfayda tagharst-ad Rbbi yumr-tt-id
lxayr n mddn yan dar ur lmal itub
lfayda tagharst-ad Rbbi yumr-tt-id
ig agh gis umngh srk a xaliq lɛibad
ur nZḍar a nnini ɛṣigh ula nnigh ntub
walynni a sidi ssayra n Rbbi a f nzzugaz
TTaɛt n Rbbi d tin-k a nnabi Muḥammad
a lislam ZZall-at f nnabi Muḥammad
wanna fllak iZZulln a nnabi Muḥammad
mqqar gan arumi zrin bla yan lḥsab